منتديــــــات صقـــــــــــــــــور شقلاوة
[center]اهلا بزوارنا الكرام

نرحب بكم فى كل اوقات فى منتديات صقور شقلاوة

فإن كنت عضو معنا فقم بتسجيل الدخول

او اذا كنت كنت زائر قم بتسجيل معنا

بسم الاب و الابن و الروح القدس

نعمة يسوع معكم و معنا

الرب يحميكم [/center

منتديــــــات صقـــــــــــــــــور شقلاوة


 
الرئيسيةرئيسيةبحـثالأعضاءالمجموعاتالتسجيلدخول

شاطر | 
 

 وحده ضايجه من رجلها:اروع قصيده تحشيشيه

اذهب الى الأسفل 
كاتب الموضوعرسالة
جــــــ♥†مدلل♥†ــــــون
ميرنا.كوركيس
ميرنا.كوركيس


الديك
عدد المساهمات : 12
نقاط : 38
تاريخ الميلاد : 01/05/1993
تاريخ التسجيل : 14/08/2010
العمر : 25
المزاج : جــــــ♥†مدلل♥†ــــــون

مُساهمةموضوع: وحده ضايجه من رجلها:اروع قصيده تحشيشيه   السبت أغسطس 14, 2010 8:50 am



--------------------------------------------------------------------------------

شباب اليوم جبتلكم قصيدة من خطية وحدة مكرودة موتها رجلها ومن القهر كامت تكول شعربس تخرب من الضحك اتمنى تنال اعجابكم

اصيرن شمعة وضويلك


بعد شتريد اسويلك


ابوك أبشوش* واشويلك

نسيت شچنت اطبخلك وشچنت آنة احشيلك

آنة اللي چنت البخلك ومن كل الالوان اخليلك


وبالصالون اذب آلاف حتى بتسريحة حلوة اجيلك



اثاري الطبخ واللبخ ميفيد شسويلك بعد يمعود دخيلك


ابن الاوادم نسيت شچنت اسويلك
من جنت تعطش وينكطع بوري الماي اگل لعيوني تبچيلك



واشربك من دموع العين ماي عذب يصفيلك
وك نسيت شچنت اسويلك
من چنت تتگلب وماتنام الليل آني اسهر وألوليلك*
والظهرية من تطفي الكهرباء أني اعرگ واهفيلك*
واذا بليلة مسج دزيت
ألم فلوس الكارت واعبيلك
ومن چنت تزعل علي جيش مشاية اوديلك
نسيت شجنت اسويلك
من اجيتني بطرگ دكان تبيع بي مصاصك ومساقيلك*
گلت رجلي وراعي بيتي
واجب علي لو ينكسر ظهري اشيلك


وحتى افتحلك محل بي خير ابيع بذهبي وابنيلك
وما كفت فلوس الذهب رحت تداينت وما جيت بيوم اشكيلك
وتسالني شجنت اسويلك !!!!!
ومن صارت عندك فليسات
صرت آني وجهالي كلشي مانعنيلك


ومن اطلع اشتري خضورات تغافلني وتروح تلعب بذيلك


رصيدك خلص من المسجات يوم سمسم يوم نمنم تقشمرهن بمراسيلك
وبكل ليلة تجي سكران وريحة نسائية تعط من مناديلك



واليوم....اجيت إلي ندمان تطلب سماحي وتتوسل اجيلك


تقشمرني بكلمة احبچ
من حبتك حية بعد ما يعبر علي فيلك*


شحسبالك احنة بالمكسيك؟
لو انتة بمدبلج وتتفنن بتمثيلك


ما ارجع الك لو حتى تبني قصور روح بعيد انتة وكفشتك* وتواسيلك
تگلي بحقچ چنت آنه غلطان
من گبر اللي لفك ووجعة التشيلك
وانشالله التاج محل رحلتي تكون
وانت لأبو غريب يصير ترحيلك
وحق ذهباتي البعتهن
مول لفتح يم محلك واشرد كل معاميلك
وحق شيباتي اللي من القهر طلعن
لاصير اصالة بت نصري واغنيلك
اسفة شوفلك غيري تكنسلك وتطبخلك وتكويلك
وتسويلك ولو ذرة من الچنت آنة اسويلك


*بشوش : ومفردها بشّة وهي البطة او الوزة
*الوليلك:وهي عملية الغناء للطفل حتى ينچب وينام
*اهفيلك:كلمة قديمة ولم يعد لها استعمال بسبب توفر الكهرباء
*مساقيلك: ومفردها مسقولة وهو ماكنتوش عراقي
*فيلك : وهو الفيل , كائن يطير عندما يبدأ الانسان بالكذب
*كفشتك : وهي تسريحة غير قانونية يعني فاول Very Happyاكيد عجبتكم هههههههه
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
وحده ضايجه من رجلها:اروع قصيده تحشيشيه
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديــــــات صقـــــــــــــــــور شقلاوة :: منتدى الطربكة والترفيهي :: منتدى التحشيش العام-
انتقل الى: